(525) SOUS LE RÈGNE DE CHARLES VI. 285

de la dicte Mabille, nostre mere, et de ses maris, et pour ma dicte Compaigne et espouse; et que le jour du dit service soient donnez et distribuez aux povres cent solz Tournois.

Item, je vu eil et ordonne que, pour ce que euz pieça un procès contre un appellé Oudart de Dampierre, qui eut espousé une des seurs de ma dicte Compaigne, duquel procès je me desistay, et estoit pour la succession d'une fille, nostre niepce, qui fut fille de la dicte seur et du dit Oudinet, laquele survesqui sa mere, si comme l'en dit, et des despens fu en l'ordonnance de feu maistre Roussel, qui fu jadis procureur de la marchandise, lequel ala de vie à trespassement sans en ordener, y ceulx despens qui ne doivent pas monter à grant somme, consideré qu'il n'y ot point d'enqueste et n'y ot que unes escriptures, soient paiez et restituez au dit Oudinet, s'il est vivant, ou à ses hoirs.

Item, je laisse à maistre Jaques Petit, mon docteur, quatre escuz.

Item, à messire Jehan Michiel et à messire Jehan Roland de Saint Eustace, à chascun un escu.

Item, je laisse à messire Raoul l'Angevin, mon confesseur, deux escuz.

Item, aux clers d'icelle eglise, à chascun huit solz.

Item, je vueil, laisse et ordonne que le jour de mon obseque soient dictes et célébrées vint messes de Requiem pour les ames de moy et de ma dicte Compaigne, et de nos peres, meres, enfans et amis, et huit livres à donner et distribuer ce jour pour Dieu aux povres.

Item, je laisse aux quatre ordres Mendians, c'est assavoir, aux Jacobins, Cordeliers, Augustins et Carmes, à. chascun d'iceulx ordres un escu, et seront tenuz de dire vigiles et service de Mors.

Item, je laisse à la fabrique de l'eglise de Saint Vaast de Beauvais un escu, et à la fabrique de Saint Sauveur de Beauvais.

Item, à la fabrique de l'eglise de Saint Fremin de la Vaquerie un escu.

Item, je vueil et ordonne un anuel à estre fait et celebré en la dicte eglise de Saint Eustace pour les ames de moy et de ma dicte



	(525) SOUS LE RÈGNE DE CHARLES VI. 285 de la dicte Mabille, nostre mere, et de ses maris, et pour ma dicte Compaigne et espouse; et que le jour du dit service soient donnez et distribuez aux povres cent solz Tournois. Item, je vu eil et ordonne que, pour ce que euz pieça un procès contre un appellé Oudart de Dampierre, qui eut espousé une des seurs de ma dicte Compaigne, duquel procès je me desistay, et estoit pour la succession d'une fille, nostre niepce, qui fut fille de la dicte seur et du dit Oudinet, laquele survesqui sa mere, si comme l'en dit, et des despens fu en l'ordonnance de feu maistre Roussel, qui fu jadis procureur de la marchandise, lequel ala de vie à trespassement sans en ordener, y ceulx despens qui ne doivent pas monter à grant somme, consideré qu'il n'y ot point d'enqueste et n'y ot que unes escriptures, soient paiez et restituez au dit Oudinet, s'il est vivant, ou à ses hoirs. Item, je laisse à maistre Jaques Petit, mon docteur, quatre escuz. Item, à messire Jehan Michiel et à messire Jehan Roland de Saint Eustace, à chascun un escu. Item, je laisse à messire Raoul l'Angevin, mon confesseur, deux escuz. Item, aux clers d'icelle eglise, à chascun huit solz. Item, je vueil, laisse et ordonne que le jour de mon obseque soient dictes et célébrées vint messes de Requiem pour les ames de moy et de ma dicte Compaigne, et de nos peres, meres, enfans et amis, et huit livres à donner et distribuer ce jour pour Dieu aux povres. Item, je laisse aux quatre ordres Mendians, c'est assavoir, aux Jacobins, Cordeliers, Augustins et Carmes, à. chascun d'iceulx ordres un escu, et seront tenuz de dire vigiles et service de Mors. Item, je laisse à la fabrique de l'eglise de Saint Vaast de Beauvais un escu, et à la fabrique de Saint Sauveur de Beauvais. Item, à la fabrique de l'eglise de Saint Fremin de la Vaquerie un escu. Item, je vueil et ordonne un anuel à estre fait et celebré en la dicte eglise de Saint Eustace pour les ames de moy et de ma dicte